%%% (( عســــــاك مـــن عــــــوّاده )) %%%

العيد عاد .. وعاد يازين عيدك=
عساك من عوّاده اللي يعودون=
قلبي ترى باقي على حطّة إيدك=
أكيد خابر لهفة القلب وشلون=
كانك تحبّ المبدع .. الله يزيدك=
أبغاك تبقى سيّد اللي يحبون=
تصدّق إنّي وديَ أسمع جديدك=
وأقول لك : تسلم وشاكر وممنون=
أدري بدفقات الدماء في وريدك=
تنزف قصيد .. وتنطر الكاف والنون=
أحلى وأجمل شعر يطرب .. قصيدك=
أضمن معه تخدير وإفراز هرمون=
أشوف به وجهك و صدرك و جيدك=
رهن إصبعك دِبْله .. وجوّالك أي فون=
عندي نصيحه لك .. ويمكن تفيدك !=
كانك تبي من يسمعك يستمخّون=
على عيوني قوووم وأطرق حديدك=
تفداك لو ماكانت إعيونيَ إعيون=
ماأبغى سراحي .. ليش فكّيت قيدك=
أبغى معاك أبقى مقيّد ومأمون=
العيد عاد .. وعاد يازين عيدك=
عساك من عوّاده اللي يعودون=
***