سمّار

أرتكا سمّار ليل على شماله=وسِيق له فنجال من صفر الدلالي
ساقه اللي بسمته تحكي قُباله=حيّ لي البسمه وحيّ اللي وحى لي
يوم ما سمّار يتعلل لحاله=ما معه في مجلسه غير الخيالي
قام يرمي في المثايل من خياله=مثل راعي البندقه يرمي المثالي
وإن رمى ؟رمّاي ما يخطي مثاله=لا يروغ ولا يغضّ ولا يَعالي
ما هو مدوّر على مدحٌ وقاله= المدايح فادها والسعر غالي
وإن بغى القاله فلا زالت مجاله=رغم كون القاله فيها ما يقالي
كم يغضّ الطرف عن بعض الجهاله=من ولد عم ورفيق وبَنْي خالي
والله انّه لو بدى بديّة شكاله=غير بعض الناس يجفله الظلالي
كل واحد خابرينه من فعاله= لو يسمّونه بابو زيد الهلالي
ان رميات القفا ماهي رجاله=من رماها ما يَعدّ مع الرجالي
بعضهم لو من يعدد في خصاله = ما يلاقي واحده تسوى ريالي
لانّ موردهم على نقع الضحاله=وانحن اللي وردنا العدّ الزلالي
غير ما هو مشغلٌ باللاش باله=يكفي همومٌ على قلبه ثقالي
ومن غياب اللي تعنّى في وصاله=كنّ وصله بعد غيبه شئ محالي
طفل غار البدر من باذخ دلاله=ما تقول الا خِلق للحسن والي
والدلع من فطرته من حُرّ ماله =ما اصطنعه ولا استلفه مع التوالي
والمعزّه ورث ابوه ومن حلاله=عن جدوده وارثٌ طيب الخلالي
شفت انا مغليه يرسم له كحاله=باليمين ايحسس رموشٌ طوالي
ومن سحر عينيه وإن الشيخ داله=من سواليفه وضحك وهرج حالي
عن جدايله الحراير حلّ شاله=ودار صافي الجيد مركاز الدلالي
وفوق صدره عنّزه خدّه وأماله=يادفا انفاسه على ضلوعٌ نحالي
اذكر الله عدّ ما اتذكر جماله=حسنه ايذكّر بربي ذي الجلالي
وارسل اشواقي مع نبض الرساله=شوق له غالي وغالي هدّ حالي
ولا ارتكأ سمّار ليل على شماله=سوق له فنجال من صفر الدلالي
يا الذي بسمتْه تحكي عن قُباله=حيّ لي البسمه وحيّ اللي وحى لي

صح لساااااااااااااااانك يا سمار

خيال خصب ... وتمكن من المفرده

لا هنت وبإنتظار جديدك

صح لسانك وبدنك ياسمار على هذه المعلقة دائما مبدع

صح لساااااااااااااااانك يا سمار

الله واكبر الله واكبر سمار هنا شغل كايف . اعزمنا في مجلسك خلنا نعرف نقصد


عفريت يشدقك تابعناااا

رائع ياسمّار كعادتك
صح لسانك ياشيخ

اشكركم احبتي
الهجير
صقر الجنوب
ابوطلال
نديم القوافيبندقيـــــــــــــة
ملك الليل

عز الله شرفتموني بمروركم وتعليقكم عسى الله لا يخليني منكم
لاهنتم يالمطاليق
ولا خلا ولاعدم

لله درك من شااعر
لا جديد سوى الإبداع فإذا كان للتميز عنوان فأنت عنوانه
تقبل تحيتي وتقديري ودمت بود
ترانيم

المشاركة الأصلية كتبت بواسطة ترانيم المطر

لله درك من شااعر

لا جديد سوى الإبداع فإذا كان للتميز عنوان فأنت عنوانه
تقبل تحيتي وتقديري ودمت بود

ترانيم

لا ابداع الا بتواجدك ..ولا روعة الا بحضورك ..ولا تميّز مالم تكوني عنوانه

اشكرك شاعرتنا الفاضلة على التواجد والحضور
ولاهنتي

صح لسانك واعتلى شانك
نص رائع
بيض الله وجهك ويعطيك العافية
لاهنت