((( جنون العشق ))) @@@@@@@@@@@@

جديد ملك الليل اتمنى يروق لكم

اقولها بين الملا وارفع الصوت=انتى منى للروح يانور عيني
فيني (جنون العشق) والحب للموت=فيني غرامك بالوله يحتويني
فيني الهوى واسمك على القلب منحوت=تبغي الخلاصه كل شي صار فيني
كأني شربت التوت من مبسمً توت=واضم صدر الفل والياسميني
كاني معك في معركة عين جالوت=لا صرت اهوجس بين شك ويقيني
سحر الهوى ماهو بهاروت ماروت=نظره بعينك كافيه تسحريني
لو كنت مبعد عنك من سابع الفوت=قولي احبك حيل وتحضّريني
احضر وانا خاتم زمرد وياقوت=باصبعك لفي خاتمك والبسيني
ماني بحبلً صار في ايديك مفلوت=لكن ثقافة حب بينك وبيني
بارمي كلام الناس وافوته فوت=وش فادنا في ماضيات السنيني
ابغى اطرد الحزن الذي قبل مكبوت=وابغى يدينك ماتفارق يديدني
الحب دانت له مماليك وابشوت=والقاسيه عنده تذوب وتليني
جيتك وانا بردان والحب لي كوت=وابغى الدفا يالغاليه زمليني
كتبت فيك الشعر قيفان وابيوت=عساه يرضي خاطرك واعذريني