..!! هام للجميع !!..

السلام عليكم ورحمة الله وبركاته ............... وبعد

أخواني شعراء وشاعرات وأعضاء منتديات رباع ..

الصراحة ما أدري كيف أبدأ موضوعي ولكن يعلم الله إني أحبكم جميعاً

إن شاء الله إنّا كلنا مادخلنا منتديات رباع إلا ونحن أخوان تجمعنا الكلمة

الطيّبة والفعل الطيّب .. ولكن يحزنني ويحزن الجميع مانراه الآن في قسم

الشعر من كلام وسب فلان والتهجم على فلان ومعرف فلان وفلانه ..

ويننا عن مقلقل نديم القوافي وبراطمه وأبو جمعان وين المزوح اللي كانت

بيننا وين القصايد اللي كانت تقرّبنا من بعض وتزيد من محبة الجميع وتآلفهم؟

صار مايمر يوم إلا فلان يشتكي من فلان وفلانه تشتكي فلانه وهذا يبغي فلان

يعتذر له وهذي بنت وهذا رجال !!

يعلم الله إنكم كلكم على العين والرأس وإنّ مايحزنكم يحزننا ومايفرحكم يفرحنا

وإن شاء الله مايتكرر اللي صار من الشعار والشاعرات .. واللي مات فات ..

وبنفتح صفحة جديدة بيضاء إن شاء الله من اليوم ..

( تكفون تكفون تكفون يا النشاما )

نحن لجنة شعراء الأكاديميّة بعد إذن رئيس اللجنة ونائبه وإذن الجميع وجدنا

لنكون يدّ واحده مع الجميع وفيما يصبّ لصالح المنتدى .. ورغم إنّ عندنا الصلاحيّات

في إنذار من يغلط وتوقيفه من المنتدى ولكن يعلم الله إنّا مانصخى أحد في رباع

وإنّكم كلّكم تشرّفون رباع وتشرّفون أنفسكم قبل رباع ..

وإن شاء الله من اليوم مانلاحظ أي تهجّم أو أي شكاوي ومن كان له تصفية حساب

مع فلان وعلّان بنعلنها صراحة وقدّام الكل ونقول له توكّل على الله وأطلع برّى رباع

وصفّ حساباتك مع اللي تبي ..!!

وإدارة رباع ماقصّرت مع الجميع وكل يوم تضع شروط وقوانين وأوسمه وتقييم

فتقديراً لهم سنرفع القبّعة إحتراماً لرجال قدّرونا وأحترمونا وعملوا المستحيل من أجلنا

وأنا هنا بالمنتدى وتحت أمر الجميع وأعتبروني أخوكم الصغير ..

وهذه القصيدة من أجل رباع وأوجهها لكل من سوّلت له نفسه أن يسيء لرباع أو لأي

شاعر أو شاعرة أو عضو ولا يزعل منّا لو أتخذنا معه أي إجراء ..

البدع: شدا الشامي=
*
حيّ من نشعر بمقداره وله قلبٌ بنا شعّار=
النصيحة ماتقلل قيمته .. لكنّ لانت شرّه=
والنغايص والبغايض من فواده مات شرّها=
طالما إنّ البادي أظلم لاتلومون الزمان العادل=
وش يعني لو طاح بشّار الأسد .. قبله خلا صدّام=
غمّض اعيونك وفتّح .. تبصر أخبار الفضاء منشوره=
عند من هو قد ربى في بيت عزّ ومن ربى عدم=
الذي طولة ذراعه زايده .. نجتزّها من كفّه=
ليت من شارف على المرّيخ ماعوّد ولا نكف=
الضمأ شبّ الحلوق اللي في الماضي طوال الشّرّب=
لين شدّوا بدْو حايل من منازلهم وجو هنا=
والله مايسلم عذاب الآخرة من تضحك الدنيا له=
أزرع الخير الذي ترجي حصاده وابن ثامره=
لا تبثّ المشكلة يا من على المنكر بجم .. بثّاني=
قرّب إنسانيّة التقدير .. والجنّات بُعْدها=
**
الرد: شدا الشامي=
*
قال بن قثرود ياربعي ويا أصحابي ويا شُعّار=
ودّنا بالموت .. لكن مانبي نخطي ولا نتشرّه=
أمنعونا مالهروج السّاقطات اللي تشرّها=
قدر أبو مشعل وتقديرٌ لصقر وحشمة آبو عادل=
قولوا للعاقل مجمّل .. والذي جاهل خلاص .. الدّام=
أبو عادل شيخ وافي يستحق إنّا نثمّن شوره=
لو بغانا نختلص في كل ذرّه من رباع دم=
والله إنّ الطفل لا قالوا له (أرفع) ينتهي ويكفّه=
وانحن شابت روسنا .. لانرفع إيدينا ولا نكفّ=
عيب وآنا أيّاهنا .. شرهه علينا من طوال الشُرّب=
أنشدكم بالله وش قيمة لِحانا في وجوهنا=
الذي مايحترم قدر النشاما خاب والدنيا له=
حتى لو عنده من الأمثال ماعند ابن ثامره=
والله لا وأغدي له إنّه مايسوّي بيت جنب الثاني=
وإنّي لآتوّبْه توبة .. يدخل الجنات بعدها=
**

عيب وآنا أيّاهنا .. شرهه علينا من طوال الشُـرّب

أنشدكـم بالله وش قيمـة لِحانـا فــي وجوهـنـا

الله الله الله
صح لسانك يابن قثرود وكلامك مثل العسل تقبل مروري واحترامي لشخصك الكريم

ماقلت الا الصواب بيض الله وجهك
واعانكم الله على المهمه الجديده
وشكراً اخوكم ابوحسن

بيض الله وجهك يشهد الله ماكنها الا قصيدة من قصائد إبن ثامرة وباسم الشيخ ابو عادل وباسم رئيس مجلس الادارة نشكركم جميعا كلا باسمه على ماتبذلون في هذه الاكاديمية من جهود عظيمة . ونرجو من الجميع ان يلتزمون الاحترام فيما بينهم فنحن أسرة واحدة هنا في رباع .
وارجو ان نقفل كافة المواضيع الحاصلة بين الشعار ماقبل هذه القصيدة وان نبدأ صفحة بيضاء ديدنها صفاء القلوب ونقاء السريرة .
تكفون يا النشاما ترفعوا عن بعض الامور وارفعوا شأن تراث الجنوب .

صح لسانك وبيض الله وجهك ....


أي عضو في هذا المنتدى يعتبر ضيف لدينا في رباع , ولن نرضى بالغلط عليه من أي عضو أياً كان ....


أرق تحية يالغالي...

تقبل مروري هنا يعطيك العااااااااااااااافيه ووورد

يعطيك العافيه وهذا هو الكلام إلي مابعده كلام ، ولمنتدى رباع وأهل رباع كل تحيه وأحترام وإن شاء الله يكون هذا المنتدى من أحسن إلى الأحسن ونبقى أخوان وأصدقاء دوماً وأبداً ولكم مني جميعاً خالص التقديروالمحبه ،،،،

صح لسانك يابن قثرود انا اشهد ان قصيدتك هذي في محلها وانها توازي في جمالها وفي مغزاها اعظم قصيده من قصايد ابن ثامر الذي نعرف جميعا انه كان يصلح الموقف بقصيده لا عدم لا عدم . موفق

صح لسانك وبيض الله وجهك دنيا واخره .. وهذا يعتبر قرار يفهمه الجميع .. من وده يتحاور ويمزح يمزح مع شخص يوده ويتحمل مزوحه .. كثرت الشكاوي فلان سبني وفلان شتمني ارحمونا الله يرحم والديكم احنا ندخل للمنتدا نتونس ونتعلم من بعضنا البعظ الشعر والعلوم الغانمه

صح لسانك والله يبيض وجهك ماقلت الا ماينبغي ان يكون
كلنا اخوه نلتقي هنا المفروض لنتسلى ونغير من روتين الحياه الممل لا ان نجد مايزيد الهم هم

والمكسب الحقيقي في كل مجتمع ان نجد من يذكرنا بالخير في حضورنا او في غيابنا 0