أبكتب إحساسي وفي خاطري شئ

أبكتب إحساسي وفي خاطري شي = شي إكتسبته وإقتبس منه فكره
أقولها من تجربه حاصله لي = الأمس ما خفته ولا أخاف بكره
لا تابعه مقفي ولا تابعه غي = قلبي معرّف ماتبع كل نكره
نفسي عزيزه لو تحاليت للفي =ما أشرب هماج تمده إدين عكره
الطيب ما ينسى ولا فيه من زي = راعيه دايم للكرم شاش فكره
بعض العرب له وقفة(ن) كنه الخي = وبعض العرب ربي يكافيك مكره
وبعض القلوب تموت وإنسانها حي = وبعض العرب لو مات ما مات ذكره
والصقر لا يشوي ولا ينوكل ني =يكفخ ولا يقْرب من الناس وكره
والغيم في عال السماء يحجب الضي = وأمد كفي بالخفا لاجل شكره
ويا هاجسي لو انوي الشر لي عي = خل الحسود يموت من دون سكره
صم الصفا ما ينعشه وادي الري = والخير بيدين الولى صعب حكره