خذوا علومي ونا فداكم

الديرةوالسيرة والعلوم واحده والله لا يكفينا الا بالهيله جيناكم ضيوف وماجينا الا من محبه يعلم الله الامطار ياربي لك الحمد تيه السنه سنة خير وابشروا بالخير انشاء الله الصيفيه تالسنه خضرة
الماء نعمه ياربي لك الحمد والابيار ملانه ولا نتوجه الا جهة الله سبحانه عاد الحمد لله القريه في تطور ياربي لك الحمد نصبنا عريفه رجال ونعم مثلكم وشرواكم والله انه ماقصر وعلينا ان نوقف معه عاد انا جينا في ذيه المنتدى وشاركنا على شان ناخذ علوم الديرة والله انا ماعد نلقى الاخبار الطيبه الا فيه والله يوفق صقر الجنوب الذي احتوانا في ذيا المنتدى عاد هذا ماهو يمنا وحذانا وسلامتكم وعليكم الله لا تكلفون على انفسكم ماغير اسقونا من تراحيبكم ؟؟؟؟؟؟؟؟

الله يحييك تراحيب السيل

الله يحيك ويبقيك

حياك الله وحيا علمك

ترى معرف الا تالكلمتين من علوم السيره والديره

حياك الله وحيا علمك ومرحبا بك بين اخوانك وجماعتك و والله انها فرصه سعيده انا نجتمع كلنا من شباب وشيبان في منتدى كما ذيه الي يجمع بيننا ويقرب البعيد ويعارف بين الناس والبركه في الأخ صقر الجنوب الله يطول في عمره وعمر الي يقرون الموضوع واعذرنا ان كان تراحيبنا قليله ........
اخوك نبع الحنين

سلمت ولا ندمت والله يقفانا بالهيله فإنه راعيها..

جيت والله يحييك تراحيب المطر عزيز وغالي بين ربعك واخوانك . الديار جنب الديار ولا عليكم شيئٌ بخافي .. اما من يم الامطار فنحمد الله على كل حال جتنا علومها على فاقة ونسال الله رضاه وان يسقينا من رحمة سماه .. اما من شأن العريفة وصيبته فما يعيش الجسد بغير الرأس والجماعة الى وفقهم الله في عرفية ونعم سار لهم قيمتهم بين القرى ونسأل الله ان يوفقكم انتم وعريفتكم والله الله في الجبرا بينكم .. واما من شان ماتنحي فيه من ذالمنتدى فالله يحيك تراحيب السيل عند من رحبنا وبك في منتدى جماعة من خيار الجمايع وعند قرية من روس زهران يكتملون مثل هذا المنتدى وغيره .. ماعزيت الا من عزك ولا حبيت الا من حبك وحياك الله .. وهذا مانتقفى به علمك ..

وسلامتك على الله ومن يوحي ،،،

على فكره علوم الديره والسيره فن ولا يجيدها إلا انسان مبدع خصوصا وانها قامت تتلاشى
وفقكم الله وصدقني يابن حسايف ان شكلك عمده اذا ماكنت عريفه

& صب القهوة ياولد&
الصور المرفقة