%%% (( مش حالكـ )) %%%

جديد المبدع ... إن مريتم مشكورين وإن طنشتم برضو مشكورين

يازين .. يوم أثبت لك صادق الودّ=خذلتني .. وأثبت لي عكس ذلك
حتى وأنا دمعات عيني على الخدّ=تذرف عليك وكنّيَ أصغر عيالك
مدري تبادلني مشاعرك من جِدّ=والا على قول المثل : مشّ حالك
الروح تشكي منك .. والحال منهدّ=وألقاك عنّي دوم مشغول بالك
وأكثر مراسيلي معك مالها ردّ=عذري (متيّم بك) وعذرك (جمالك)
عذّبتني بالحيل ياناعم القدّ=وأصعب سؤال الناس عنّي (سؤالك)
وأعظم جروحي منك (الإعراض والصدّ)=وأغلى دواء مفقود (لحظة وصالك)
لابُدّ.. تذكرني مع الوقت .. لابُدّ=وأنا مع الأيام بأنسى كذلك

انا لله

صح لسانك ملايين دووم مبدع

المبدع
صح لسانك ياعسل واعتلا شانك وان شاء الله محبوبك يرجع لك تحيــــــــــــــــة

قصيدة مميزة أخي المبدع
تسلم على هكذا أحساس ومشاعر
لك مني أرق تحية....تحيــــــــــــــــة

صح لسانك يالمبدع ابداع غير مستغرب
قصيده رائعه

ياااااااااالبيه يا الشعر
صح لسااااااانك مدد لا عدد
لقد أسعدني تواجدي هنا حيث الإبداع
تقبل تحيتي وتقديري
ودمت بود ترانيم

المبدع
ابياة رائعه صح لسانك وسلمت يداك

حىالله الشعر والشاعر وصح لسانك لين ترضى يا سلسبيل الابداع

الله ربي وربك ياخي صح لسنك يالمبدع على الابداع لاهنت

مبدع يا شيخ مبدع
لله درّك..
صح لسانك وقلبك وبراطمك وكلك
تقبل ودي ومروري