ورق عنب صحتين

المقادير :



1- 2 بصل كبيره مقطعه صغيره جدا
2- 3 طماطم متوسطه مقطعه صغيره جدا
3 - كوب عيش منقوع بالماء
4- شده كزبرة << مفروض احط بقدونس بس ماكان متوفر وطلع طعم الكزبرة لذيذ وماكو فرق
5- شده نعناع
6- كوب ليمون طازج او جاهز مثل اللي بالصورة .
7 - كوب زيت زيتون
8- كوب دبس الرمان

اولا ::
نحط البصل على النار ونقلبه شوي << مو لازم يستوي


واثناء التقليب نضيف البهارات (( فلفل اسود - كمون - دارسين مطحون - ملح - شويه بهار مخلط )) والكميه حسب ذوقج اذا تحبينه مبهر حيل او خفيف بس انا تقريبا احط ملعقة صغيره من كل شي




بعدين نضيف الطماط :


بعدين نضيف العيش (( عيش عادي مو مصري ))


بعدين نضيف تقريبا ربع كوب ليمون :


وعقبه نضيف النعناع :


ونضيف الكزبرة :






واخيرا .. دبس الرمان نضيف نصف كوب تقريبا ونقلب ونترك الحشوة على النار دقايق (( ملاحظة لوتضيفين ملعقتين طماط معجون يكون أحلى بعد ))



واللحين نجي لطريقة الحشوة :

نفرد الورقه على صينية ويكون السطح الخشن للأسفل والناعم للداخل :



نحط كميه مناسبه من الحشوة :



نسكر اول شي من تحت :


بعدين نلف الجوانب عليها مثل الشكل :


نكمل لف وهذا الشكل النهائي :





طبعا نكون مجهزين جدر الطبخ وصافين تحت طماط شرائح وبطاط شرائح ونط ورق العنب فوقه ونرصهم يم بعض عشان ما تفتح أثناء الطبخ :



وهنيه كملنا كل الكمية :


تحطينه على النار ونضيف له كوب ماء وكوب زيت وكوب ليمون
ونحط ثقل فوقه عشان مايفتح أثناء الطبخ :


وبعدين تصفينه بصحن التقديم وتحطين باقي كميه دبس الرمان وتغطينه بالسلوفان << الشفاف وتحطينه بالثلاجه وبالعاااااااافيه





منقول ووورد