عجة البيض بالخضراوات

قطّعي عجة البيض

بالخضراوات بعد ما تطلعيها من الفرن




النهارده هنقدّم لك طريقة عمل عجة البيض بالخضراوات بطريقة جديدة، سهلة ومغذية..

عجة البيض بالخضراوات
المقادير:
6 بيضات
2 ثمرة طماطم مقطّعة مكعبات
¼ كوب مشروم مقطع شرائح
3 ملعقة جبن رومي مبشورة
¼ كوب زيتون أسود شرائح
2 ثمرة فلفل رومي مقطّع
ثمرة بصل مقطّعة شرائح
5 عيدان بقدونس مقطع
2 شريحة بسطرمة
2 فص توم مفروم
¼ كوب لبن
ملح وفلفل

الطريقة:
1- اخلطي البيض مع كل المكوّنات في طبق غويط، واضربيهم مع بعض بملعقة كبيرة لمدة دقيقتين، وبعدها ضيفي الملح والفلفل.

2- حطّي الخليط كله في صينية صغيرة، ودخليها الفرن على درجة حرارة 180 لمدة ربع ساعة، لحد ما يستوي البيض خالص، وطلّعيها، ممكن تقسّميها قطع وتقدّميها أو تعمليها ساندويتشات للفطار.. وبالهنا والشفا.

وبكده تكون خلصت وصفتنا النهارده..
جرّبوها وابعتوا لنا رأيكم فيها..
واستنوا بكره وصفة جديدة..
سلام،،،