سلطة السلمون

سلطة مفيدة وشهية جدا




النهارده بنقدم لك طريقة عمل سلطة السلمون، وهي من السلطات المميزة والشهية والمناسبة جدا إنك تعمليها جنب أكلة سمك أو في اليوم اللي بتقدمي فيه لأسرتك مأكولات بحرية..

سلطة السلمون
المقادير:
3 شرائح سلمون (هتلاقيه في السوبر ماركت)
2 ملعقة كبيرة زيت زيتون
رغيف خبز شامي مقطع
2 ملعقة كبيرة مايونيز
ملعقة كبيرة زبادي
2 فص ثوم مفروم
2 ملعقة كبيرة خل
عصير ليمونة
2 ثمرة خيار
ثمرة كابوتشا
ملح وفلفل

الطريقة:
1- حطي الخبز المقطّع في صينية، ورشي عليه زيت الزيتون، ودخليه الفرن لمدة 10 دقايق لحد ما يتحمّص.

2- قطّعي خس الكابوتشا، وقطّعي الخيار شرائح صغيرة، وحطيهم في طبق غويط، وحطي المايونيز مع الثوم والزبادي والخل والليمون والملح والفلفل في كوباية وقلّبيهم كويس، وقطّعي السلمون قطع صغيرة.

3- حطي قطع السلمون على الخس والخيار، وحطي عليهم الخبز المحمّص، وبعدها ضيفي عليهم صوص المايونيز اللي عملتيه، وقدميه.. وبالهنا والشفا.

وبكده تكون خلصت وصفتنا النهارده..
استنونا بكره مع وصفة جديدة..
سلام..