طريقه عمل باذنجان بانيه 2013

باذنجان بانيه



ممكن تقدّمي بطاطس محمرة وسلطة خضراء مع الباذنجان البانيه



أعدّتها لكم: آية خالد
النهارده بنقدم لك طريقة عمل الباذنجان البانيه، وهو من الأطباق اللي ممكن تقدميها لأسرتك لو مستعجلة ومحتاجة تعملي وجبة سريعة وخفيفة..

باذنجان بانيه
المقادير:
3 ثمرة باذنجان رومي
2 ثمرة بصل مفرومة
ملعقة صغيرة بهارات
2 فص ثوم مفروم
½ كوب بقسماط
½ ثمرة ليمون
½ كوب دقيق
زيت للقلي
ملح وفلفل
2 بيضة


الطريقة:
1- قشري الباذنجان وقطعيه حلقات، وبعدها حطيه في طبق مع البصل والتوم والبهارات والليمون والملح والفلفل، وسيبيه في التتبيلة دي لمدة ساعة على الأقل.

2- حطي البيض على الباذنجان المتبل، واخلطي الدقيق مع البقسماط في طبق منفصل، وسخني الزيت للقلي، وحطي قطع الباذنجان في البقسماط والدقيق، وبعدها حطيها في الزيت السخن، لحد لونها ما يبقى دهبي، وطلعيها على ورق مطبخ علشان يمتص الزيت، وقدّميها مع بطاطس محمرة وسلطة خضراء.. وبالهنا والشفا.

وبكده تكون خلصت وصفتنا النهارده..
جربوها وقولي لنا على رأيك فيها..
واستنونا بكره مع وصفة جديدة..
سلام...