الحنونه ..... وحضور أول بالصوت ....العـــ ابن ــز

الحنونه ..... وحضور أول بالصوت ....العـــ ابن ــز

اقدم لكم ماهو متواضع ..

ونزف ولكن بنزف اخر واتمنى

ان ينال اعجابكم

لكم هذه الفاتنه والراي لكم ...

يالحنونـة ودي أكتـب يالحنونـة

بيت شعر ماتجيـب النـاس زيـه

بيت يحكي شاعر خابـت ظنونـه

ضايع ٍ مابيـن ذيـك وبيـن ذيـه

كل مالـد النظـر عينـه تخونـه

والجروح بصدره مازالـت نديـة

كني إللـي ماقـدر يرفـع متونـه

كل مازاد الحمـل ضاقـت عليـه

من يصون القلب قولي من يصونـه

دام صار الحب في عرفـي اذيـة

كـل ماجيتـه يعقـد لـي جفونـه

وإن قربت شوي شب النـار فيـه

والمصيبة واجـد إللـي يعشقونـه

يحسبونه وافي ٍ فـي طيـب نيـة

مادروا عن هالغـرام اللـي يبونـه

كم به نفوس ٍ مـن أسبابـه شقيـة

ناس ماتت والسبـب لـذة طعونـه

جربوهـا وكانـت الطعنـة قويـة

وبعضهم بانت طعونه في عيونـه

يحسب الخطوة علـى درب المنيـة

واليباس يحل في أخضر غصونـه

في هواها تمـوت وردة نرجسيـة

ساس حبه بالهوى جـو يكسرونـه

ناس ماخافت غضـب رب البريـة

جا يصيـح القلـب لا لا تعذلونـه

كافي إللي شفت ما أبغى لي وصية

بحرس القلب المشقى في حصونـه

ما أبي عشق ٍ يزيـد القلـب كيـة

وإن حصل عشق ٍ بصك الباب دونه

دام مـال الصـدق فالعالـم هويـة

وسلامتكم

ابن العز

الا مااقسى خبر زلزل جميع العالـم باسـره

خبر خلّى الفضاء يبكي دموعٍ تحرق نجومـه

خبر خلّى الفضا مظلم حداد وغابـت القمـره

وصار الكون من حزنه ملخبط ضاعت علومه

فهدنا غاب في لحظه ولكن مايغيـب ذكـره

غيابه بالوفات اليوم يزيـد القلـب بهمومـه

***

http://www.kingfahd.ws/

تفضل بالدخول الى موقع والوالد القائد
الله يرحمك يابو فيصل
ebn_al3z@hotmail.com