عندكم شبيحه

ياغرقنا الطوفان ياهي خذتنا الصيحه
ولا تهتز ارضنا كل يومٌ هزه

ليت لي من قبل هذي وذي تسبيحه
سبحانك ياذوالجلاله وذو العزه

من يطيح الطاغيه ياعرب ويزيحه
كـــن بشار الاسد كان همه غزه

عندكم شبيحه او يلعن الشبيحه
وش مصير اللي سكن في مساكن برزه

قائد الشعب المناضل نوى تذبيحه
يهلك الشعب العميل او تعيش العزه

من مضى درب الزلق تنتظره الطيحه
يازعيم الشام شوف الطريق او دزه

طاحت اعناق او معمر وراء تشريحه
اختلف لونه وراء الكبرياء والرزه

باقي التاريخ يشهد على تصريحه
سولت له نفسه السوء راعي البزه

من كسره الدهر يصعب على تصليحه
طاحت الالعاب في روضة المتنزه

من يحلل بعض ماقدر حرم ويبيحه
صار شيطانه يقوده عبث ويوزه

و السبب بعض الشيوخ اصلهم نبيحه
داعيه في الصبح و الليل عنده (...)

والطريق اللي تعبنا على تصحيحه
كل عام انقول ينحل هذي الحزه

و الادله واضحه ماتبي تلميحه
لايصورها المصور ولايبتزه

خابر الورد الصناعي بلياء ريحه
وخابر الغندور لو قلت فزه فزه

غني لي ياليل دانه والا ياليحه
واخر الرقصه تمايل طرب و اكتزه

محمد بن جمعان الشاعر

ابداع لا يضاهيه ابداع ولاهي غريبه على محمد
شاعر ومن بيت شعر وصح لسانه مليارات

صح لسان ناقلها وقائلها قصيدة رائعة بكل معنى الكلمة

علي السبيه
صقر الجنوب
اسعدني مروركم العطر تسلمون
لكم كل الحب والتقدير