سوي فطورك قبل نومك 00 لحم بالخضار على الرمل الحار (الملة)

السلام عليكم ورحمة الله وبركاته

آلكل يعرف أهمية وجبة الفطور بالنسبه حق الجسم ..

وخصوصآ للطلاب والموظفين .. اما الي قعدين بالبيت ماعليهم ضيج متى ماقعدو من النوم ياكلون شابوره مع كاس شاهي

لابد نركز على وجبة الفطور أكثر من العشا ..

وبعض الناس مايحبون الفطور لانهم حاطين في بالهم انه خبز مع جبن وكاس شاهي بس

تلقينه يقول اتصبر لين الغداء احسن ..

غلط .. واكبر غلط تفوتون وجبة الفطور ..
ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..

معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..

وتقدرون تغيرون بالمقادير .. الي يبي دجاج بدل اللحم او تونه ..

[ بيض بالمرتديلا ]

نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..

نخلط البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..

وتكون جاهزه ..

وبكذا تكون وجبه متكامله .. بروتين + كالسيوم + فيتامين من الفلفل البارد

وقدميها مع خبز وزيتون وكاس قهوه ..

[ فطاير الجبنه ]

علبه جبن [ يفضل فيتا ] او حلوم حسب رغبتك + 2 بيضه + 1 كاس صحين + فانيليا + سكر

نفصل صفار البيض عن البياض .. ونخلط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..

بياض البيض نخفقه لحاله حتى ينفش ..

ثم نضيفه ع العجينه .. ونبدا نصبه بالتاوه بعد دهنها بالزبده ..

دقيقه ثم نقلبها ..

وقدميها مع العسل او المربى ..

لو عندك فراوله طبيعي او مجمد حطي لك مقدار بياله مع 1ملعقه سكر ونص ملعقه خل .. ثم اهرسيهم وحطيهم على الوجه ..


او توت ..




ومع كاس حليب بتكون وجبه مثاليه ..







[ ميني بان كيك ]







الخليط هذا سريع ولا يحتاج بيض ولا زيت ولا حليب .. فقط مويه ..


جهزيه وهاتي قوالب أشكال .. وأبدي الشغل . .







حطيهم ع التاوه وصبي الخليط فيها ..




وقدميها بطريقتك ..





[ فطور جيمي أوليفر ]






2 بيضه مخفوقه مع بياله حليب .. ونقليها

نقانق مشويه بالفرن مع حبه طماط بالفلفل الأسود والملح ..


تقدم مع الخبز الأسمر المحمص ..


أضفت لها زيتون وكاس شاهي يعدل المزاج ..




***



[ توست هولندي ]


توست أسمر محمص ومقطعه أطرافه ..

ندهنه بزبده وهو حار ثم نرشه بسكر بودره .. ونقطع حبات فراوله ونحطها فوقه ..





قدميه مع كاس عصير برتقال طازج وكاس كابتشينو . .





نقدر نزينه بالنوتيلا

ـ\

[ الكريب ]

2 بيضه + نص كاس حليب + ملعقه صغيره سكر + نص ملعقه صغيره ملح .. نخفقهم ثم نضيف لهم نص كاس دقيق ..

ونتركهم نص ساعه يتخمرون ..

نجهز القلايه وندهنها بشوي زبده او زيت ونبدا نصب الكريب مقدار بياله ..

حوالي 30 ثانيه ثم نقلبه ..

انتي وذوقك .. وش حابه تحشينه .. ؟

نوتيلا وفراوله ؟

مربى وزبده الفول السوداني ؟

جبن وعسل ؟

انا حشيتها عشقي .. زبده الفول السوداني + مربى مشمش حلواني

لفيها رول وقصيها من النص وقدميها ..

[ التوست الفرنسي ]

توست مقصوصه أطرافه + بيضه مخفوقه + بياله كريمه خفق او حليب + نص ملعقه صغيره فانيليا نخلطهم مع بعض ..

نغطس التوست بالخلطه ثم نحمرها على تاوه مدهونه بالزبده ..

ثم نقصها من النص ونقلبها في سكر باودر ..

وقدميه مع كاس نسكافيه ..
لو حبيتي أضيفي له جبنه وطبقيه ..

اتمنى يعجبكم الموضوع

الأمير أمير القلوب : حرام عليك والله ما أفطرت إلا تفاحة فتحت شهيتي للأكل ، سلمت والله يعطيك العافية
على جهدك الملموس الذي دائما نشاهده .

المشاركة الأصلية كتبت بواسطة almooj

الأمير أمير القلوب : حرام عليك والله ما أفطرت إلا تفاحة فتحت شهيتي للأكل ، سلمت والله يعطيك العافية
على جهدك الملموس الذي دائما نشاهده .

هلا فيك الموج

تسلم على المرور والمتابعة

موضوع رآآآآآآآآئع

يعطيك العافية ..

المشاركة الأصلية كتبت بواسطة %هوى الجنوب

موضوع رآآآآآآآآئع

يعطيك العافية ..

تسلمي اختي على المرور الرائع